Konqo Demokratik Respublikasında təsdiqlənmiş Ebola virusu yoluxmalarının sayı 300-ü ötüb. Səhiyyə Nazirliyinin yaydığı son məlumatlara əsasən, ölüm halları artıq 48 nəfərə yüksəlib və vəziyyət ölkədə narahatlıq doğurmağa davam edir.
Elpress.az-ın məlumatına əsasən, Nazirliyin verdiyi məlumata əsasən, Ebola epidemiyası yayılmağa davam edir və hazırda Konqo Demokratik Respublikasının İturi, Şimali Kivu və Cənubi Kivu əyalətlərində ümumilikdə 23 səhiyyə zonasına təsir göstərir. İllərdir davam edən qeyri-sabitlikdən əziyyət çəkən İturi bölgəsində təsdiqlənmiş yoluxma sayı 260-ı ötüb.Səhiyyə qurumları bildirir ki, İturinin paytaxtı Bunia və şimal-şərqdə yerləşən Nizi şəhərində icma müqaviməti, həmçinin yayılan şayiələr və dezinformasiya virusla mübarizə və profilaktik tədbirlərin effektivliyini çətinləşdirir.Rəsmi məlumatlara görə, dörd xəstə artıq sağalaraq Buniadakı tibb mərkəzindən evə buraxılıb.ÜST-nin baş direktoru Tedros Adhanom Gebreyesus Prezident Feliks Tşisekedi ilə Ebola ilə mübarizə məsələlərini müzakirə etdikdən sonra Konqoya səfərini yekunlaşdırıb. Bu müddətdə Buniada 60 çarpayılıq yeni müalicə mərkəzi istifadəyə verilib və peyvənd sınaqlarına başlanılıb.Hökumət sözçüsü Patrik Muyaya isə bildirib ki, əvvəlcə humanitar reyslər istisna olmaqla bağlanan Bunia hava limanı, uçuş və gəlişlərdə quraşdırılan monitorinq sistemlərindən sonra, yardım və tibbi ləvazimatların çatdırılmasını asanlaşdırmaq üçün yenidən fəaliyyətə başlayıb.
