Aysel Əlibəyli
04 Oktyabr 2026 · 13:47
1076 baxış
İranın xarici işlər naziri Abbas Əraqçi ABŞ ilə bağlı son açıqlamasında diplomatik yanaşmanın tərəfdarı olduqlarını bildirib.
Nazir Vaşinqtonu hərbi qarşıdurma əvəzinə “ağıl və sağlam düşüncə yolu”na üstünlük verməyə çağırıb.
Əraqçinin sözlərinə görə, ABŞ yenidən hərbi variantdan istifadə etməyə cəhd göstərərsə, İran belə bir vəziyyətə əvvəlkindən daha hazırlıqlı olacaq və özünü müdafiə etmək üçün bütün zəruri addımları atacaq.
İran rəsmisi həmçinin ABŞ-nin tətbiq etdiyi təzyiq siyasətini və yeni məhdudiyyətləri də tənqid edib. O bildirib ki, bu yanaşma nəticə verməyib və Vaşinqtonun həm hərbi qarşıdurmada, həm də diplomatik müstəvidə uğursuzluğa düçar olduğunu iddia edib.
