İran ABŞ-la keçiriləcək danışıqlarda iştirak etmək üçün yüksək səviyyəli nümayəndə heyətini İsveçrəyə göndərib.
Elpress.az-ın məlumatına əsasən, İran nümayəndə heyəti ABŞ-la danışıqlar aparmaq məqsədilə İsveçrəyə yola düşüb.Heyətə ABŞ-la danışıqlar üzrə rəhbər, parlamentin sədri Məhəmməd Baqir Qalibaf, xarici işlər naziri Abbas Əraqçi və Mərkəzi Bankın sədri Əbdülnasir Himməti daxildir. Onları Ali Milli Təhlükəsizlik Şurası, Xarici İşlər Nazirliyi və Neft Nazirliyinin nümayəndələri müşayiət edir.İran Xarici İşlər Nazirliyinin sözçüsü İsmayıl Bəqai bildirib ki, görüşlərin əsas məqsədi tərəflərin üzərinə götürdüyü öhdəliklərin icrası ilə bağlı məsələlərə aydınlıq gətirməkdir.Onun sözlərinə görə, razılaşmanın davamlılığı qarşı tərəfin öhdəliklərinə necə əməl etməsindən asılı olacaq. Bəqai qeyd edib ki, İran qarşılıqlı prinsip əsasında hərəkət edəcək və razılaşmaların yerinə yetirilmədiyi halda müvafiq addımlar atacaq.
