MHP lideri Türk Dövlətləri Təşkilatının gələcək inkişafı üçün AR-GE strategiyasının vacibliyini vurğulayıb
Elpress.az xəbər verir ki, Milliyyətçi Hərəkat Partiyasının (MHP) sədr müavini/lideri Devlet Bahçeli Türk Dövlətləri Təşkilatının (TDT) gələcək inkişafında elm və texnologiyanın əsas rola malik olduğunu bildirib. O, “TürkGün” qəzetinə verdiyi müsahibədə XXI əsrdə Türk dünyasının çiçəklənməsi və xalqların rifahının yüksəlməsi üçün effektiv tədqiqat və inkişaf (AR-GE) strategiyasının həyata keçirilməsinin vacibliyini qeyd edib.Bahçeli Azərbaycan, Qazaxıstan və Türkiyədə bu sahədə irəliləyişlərin olduğunu, lakin tədqiqat bazasının hələ də inkişaf etmiş ölkələrdən geridə qaldığını vurğulayıb. MHP lideri TDT ölkələrində elmi tədqiqat mərkəzlərinin stimullaşdırılması üçün yeni modellərin müəyyənləşdirilməsini və xüsusi Fəaliyyət Planının dəstəklənməsini təklif edib.
