Milli Hidrometeorologiya Xidməti ölkə ərazisində gözlənilən isti hava şəraiti ilə bağlı məlumat yayıb
Elpress.az xəbər verir ki, Milli Hidrometeorologiya Xidmətinin təqdim etdiyi hava proqnozuna əsasən, avqustun 3-də Bakıda və Abşeron yarımadasında hava şəraitinin yağmursuz keçəcəyi gözlənilir. Yarımadada mülayim şimal-qərb küləyi gündüz saatlarında şimal-şərq küləyi ilə əvəzlənəcək. Paytaxtda havanın temperaturu gecə 22–25°, gündüz isə 30–35° isti təşkil edəcək. Atmosfer təzyiqi 761 mm civə sütunu, nisbi rütubət isə gündüz 45–50% civarında olacaq.Ölkənin rayonlarında da havanın əsasən yağmursuz keçəcəyi, lakin gündüz saatlarında bəzi dağlıq bölgələrdə qısamüddətli yağış yağacağı və şimşək çaxacağı ehtimal edilir. Aran rayonlarında havanın maksimal temperaturu gündüz 34–39° isti, dağlıq ərazilərdə isə 23–28° isti təşkil edəcək.
