COP31 məkanında “Mavi Zona” və “Yaşıl Zona” eyni ərazidə yerləşəcək
Elpress.az xəbər verir ki, COP31-in keçiriləcəyi Türkiyənin Antalya şəhərində tədbir üçün genişmiqyaslı hazırlıq işləri aparılıb. Konfransın təşkili üçün ətraf ərazilər və avtomobil dayanacaqları da daxil olmaqla ümumilikdə 1,5 milyon kvadratmetr sahə ayrılıb.Tədbir məkanının əsas hissəsi 1,1 milyon kvadratmetr ərazini əhatə edir. Bunun təxminən 527 min kvadratmetri “Mavi Zona”, 582 min kvadratmetri isə “Yaşıl Zona” üçün nəzərdə tutulub. Hər iki zona vahid tədbir məkanında yerləşəcək.COP31 çərçivəsində noyabrın 11-12-də keçiriləcək Liderlər Sammiti üçün ayrıca VIP girişinin yaradılması planlaşdırılır. Bu girişdən yalnız dövlət və hökumət liderləri, eləcə də onların üç nəfərlik heyəti istifadə edə biləcək. Liderlər girişdən qarşılanma məntəqəsinə, daha sonra isə VIP zalına keçəcəklər.Türkiyə rəsmisi Antalyanın COP31 iştirakçılarını qəbul etmək üçün geniş imkanlara malik olduğunu və şəhərin tədbirə hazırlıq baxımından əlverişli şərait yaratdığını bildirib.
