Danışıqlarda razılıq əldə olunmayıb, Kanada ABŞ tariflərinə cavab verəcəyini açıqlayıb
Elpress.az xəbər verir ki, ABŞ və Kanada arasında yeni ticarət razılaşması üzrə aparılan danışıqlar nəticəsiz başa çatıb.Razılaşmanın əldə olunmaması fonunda Kanadanın bəzi məhsullarına, o cümlədən pivə və pendirə ABŞ tərəfindən 50 faizlik gömrük tariflərinin tətbiqinin başlanacağı bildirilib.ABŞ-ın ticarət nümayəndəsi Ceymison Qrir Kanadanın Vaşinqtonla birgə razılaşma əldə etmək imkanını əldən verdiyini deyib. Onun sözlərinə görə, ABŞ tərəfindən təklif olunan razılaşma Kanadaya Amerika bazarına çıxış baxımından təqdim edilən ən əlverişli variant olub.Kanadanın Baş naziri Mark Karni isə danışıqların son mərhələsində ABŞ tərəfindən yeni dəyişikliklərin irəli sürüldüyünü bildirib. O, bu addımları ədalətsiz və iqtisadi baxımdan əsassız adlandıraraq, onların mümkün razılaşmanın etibarlılığı ilə bağlı suallar yaratdığını vurğulayıb.Karni ABŞ tərəfindən təzyiq göstəriləcəyi təqdirdə Kanadanın cavab tədbirləri görəcəyini açıqlayıb. Baş nazir ölkəsinin işçilərini və kommersiya sektorunu qorumaq məqsədilə “dollara dollar” prinsipi əsasında qarşılıq verəcəyini bildirib.O əlavə edib ki, Vaşinqtonla danışıqlarda əldə olunan mövcud irəliləyiş Kanada hökumətinin qarşıya qoyduğu məqsədlərə çatması üçün kifayət etmir.
