Müxalifət deputatının etirazından sonra Kosovo parlamentində iclas dayandırılıb
Elpress.az xəbər verir ki, Kosovo parlamentində siyasi gərginlik yaşanıb. Müxalifət deputatı Time Kadriyay Baş nazir Albin Kurtinin çıxışı zamanı ona yumurta ataraq etirazını bildirib.Hadisə yeni parlament rəhbərliyinin seçilməsi üçün keçirilən iclas zamanı baş verib. Kurti çıxışında hökumətin formalaşdırılması ilə bağlı digər siyasi qüvvələrlə danışıqların davam etdiyini və proses üçün əlavə vaxta ehtiyac olduğunu açıqlayıb.Baş nazirin parlament sədrliyinə namizəd təqdim etməməsi müxalifətin narazılığına səbəb olub. Bundan sonra “Kosovonun Gələcəyi üçün İttifaq” partiyasının deputatı Time Kadriyay Kurtiyə yaxınlaşaraq çantasından çıxardığı yumurtaları ona atıb.Hadisədən sonra parlamentdə deputatlar arasında qısa qarşıdurma yaşanıb və iclas təxirə salınıb.Kosovoda son 18 ay ərzində üç dəfə parlament seçkilərinin keçirildiyi qeyd olunur. Siyasi böhranın davam edəcəyi təqdirdə növbədənkənar seçkilərin yenidən gündəmə gəlməsi mümkündür.
