Azərbaycanda dövlət ümumi təhsil müəssisələrində çalışan müəllimlər üçün geyim tələblərinə dair vahid yanaşma tətbiq olunacaq.
Elpress.az xəbər verir ki, Bu, Prezident İlham Əliyevin təsdiqlədiyi “Ümumi təhsil haqqında” Qanuna edilən dəyişiklikdə öz əksini tapıb.Yeni qaydalara əsasən, dövlət ümumi təhsil müəssisələrində təhsil verənlər üçün geyimlə bağlı tələblər müvafiq icra hakimiyyəti orqanının müəyyən etdiyi qurum tərəfindən təsdiqlənəcək.
Eyni zamanda, valideynlərin və digər qanuni nümayəndələrin vəzifələri sırasına övladlarının məktəbdə müəyyən edilmiş geyim qaydalarına riayət etməsini təmin etmək də daxil edilib.
Qanun dəyişikliyinə əsasən, müəllimlərin geyimi ilə bağlı vahid standartların hazırlanması nəzərdə tutulur.
Nazirlər Kabineti iki ay müddətində bu tələbləri təsdiq edərək Prezidentə məlumat təqdim etməlidir.Yeni qərarın təhsil müəssisələrində vahid peşəkar görünüşün formalaşdırılmasına və məktəblərdə nizam-intizamın gücləndirilməsinə xidmət edəcəyi gözlənilir.
