Azərbaycan Sərhəd Mühafizəsinin yaradılmasının 107-ci ildönümü münasibətilə Hərbi Prokurorluğun rəhbər vəzifəli şəxsləri tərəfindən Dövlət Sərhəd Xidmətinin hospitalı və hərbi hissələrinə ziyarətlər təşkil olunub.
Elpress.az xəbər verir ki, ziyarət zamanı hospitalda müalicə olunan hərbi qulluqçularla görüş keçirilib, həmçinin müxtəlif hərbi hissələrdə xidmət edən sərhədçilər təbrik olunublar.Görüşlərdə Prezident, Müzəffər Ali Baş Komandan İlham Əliyevin rəhbərliyi ilə Azərbaycanın əldə etdiyi uğurlardan, Silahlı Qüvvələrin formalaşdırılması və inkişafından, eləcə də Vətən müharibəsində qazanılan tarixi Qələbədən bəhs edilib.Həmçinin hərbi qulluqçulara göstərilən dövlət diqqət və qayğısı vurğulanıb. Hospitalda müalicə olunan sərhədçilərin səhhəti və müalicə prosesi, hərbi hissələrdə isə xidmət və sosial-məişət şəraiti ilə maraqlanılıb.
Daha sonra hərbi qulluqçulara bayram hədiyyələri təqdim edilib.Sərhədçilər yaradılan şəraitə, eləcə də göstərilən diqqət və qayğıya görə dövlət rəhbərliyinə minnətdarlıqlarını bildiriblər.
