44 günlük Vətən müharibəsinin qəhrəmanlarından biri, general-leytenant Babək Qurbanov bu gün 44 yaşını qeyd edir.
Elpress.az xəbər verir ki, uzun illər Azərbaycan Silahlı Qüvvələrində xidmət etmiş Babək Qurbanov bu dəfə doğum gününü mülki zabit kimi qarşılayır. General-leytenant Babək Qurbanov 44 günlük Vətən müharibəsində göstərdiyi şücaətə görə çoxsaylı orden və medallarla təltif olunub, həmçinin Azərbaycanın ən ali hərbi mükafatlarından biri olan “Vətən Müharibəsi Qəhrəmanı” fəxri adına layiq görülüb.
Prezidentin sərəncamları ilə ona əvvəlcə general-mayor, daha sonra isə general-leytenant ali hərbi rütbəsi verilib.
Qeyd edək ki, Babək Qurbanov bu ilin fevral ayına qədər Dövlət Sərhəd Xidmətinin Mərkəzi Aparatının rəisi vəzifəsində çalışıb. Səhhəti ilə əlaqədar xidmətdən ayrıldıqdan sonra DSX rəisi general-polkovnik Elçin Quliyevin mülki köməkçisi vəzifəsinə təyin olunub.
