Pekində keçirilən görüşdə hərbi və hərbi-texniki əməkdaşlığın inkişaf perspektivləri müzakirə olunub
Elpress.az xəbər verir ki, Azərbaycanın müdafiə naziri general-polkovnik Zakir Həsənov Çində işgüzar səfər çərçivəsində Çin Xalq Respublikasının milli müdafiə naziri admiral Dong Jun ilə görüşüb.Görüş zamanı Azərbaycan və Çin arasında hərbi, hərbi-texniki və hərbi təhsil sahələrində mövcud əməkdaşlığın vəziyyəti və gələcək inkişaf istiqamətləri müzakirə edilib.Tərəflər, həmçinin beynəlxalq təhlükəsizlik və sabitlik məsələləri, eləcə də qarşılıqlı maraq doğuran digər mövzular ətrafında fikir mübadiləsi aparıblar.Səfər çərçivəsində Zakir Həsənov Çin Aerokosmik Elmi və Sənaye Korporasiyasının istehsalat bazasında da olub. O, korporasiyanın Baş direktoru Çen Şaoyan ilə görüşərək müdafiə təyinatlı müxtəlif sistemlərlə tanış olub.
