Xocavənd şəhəri, Quzeyxırman kəndi və Qırmızı Bazar qəsəbəsinə 50 ailə köçürülüb
Elpress.az xəbər verir ki, Sentyabrın 15-də doğma yurdlarına yola salınan növbəti köç karvanları Xocavənd şəhərinə, Quzeyxırman kəndinə və Qırmızı Bazar qəsəbəsinə çatıb.Köç çərçivəsində Xocavənd şəhərində 33 ailədən 135 nəfərə, Quzeyxırman kəndində 8 ailədən 41 nəfərə, Qırmızı Bazar qəsəbəsində isə 9 ailədən 44 nəfərə yeni mənzillərin açarları təqdim olunub.Beləliklə, gün ərzində ümumilikdə 50 ailədən 220 nəfərin Xocavənd rayonuna köçü təmin edilib. Açarların təqdim olunması mərasimlərində Ağdam, Füzuli və Xocavənd rayonlarında Azərbaycan Respublikası Prezidentinin xüsusi nümayəndəliyinin və Qaçqınların və Məcburi Köçkünlərin İşləri üzrə Dövlət Komitəsinin nümayəndələri iştirak ediblər.
