ABŞ Rusiya-Ukrayna münaqişəsinin həlli istiqamətində diplomatik təşəbbüsləri yenidən aktivləşdirməyə hazır olduğunu bəyan edib.
Bu barədə ABŞ dövlət katibi Marko Rubio Konqresin Nümayəndələr Palatasının Xarici Əlaqələr Komitəsində keçirilən dinləmələr zamanı danışıb.Rubio bildirib ki, Vaşinqton Rusiya ilə Ukrayna arasında sülhün əldə olunması üçün səylərini davam etdirməyə hazırdır.ABŞ dövlət katibi eyni zamanda ölkəsinin bu münaqişədə tərəfsiz vasitəçi olmadığını vurğulayıb.“Bu məsələdə açıq danışaq, biz bu müharibədə tərəfsiz vasitəçi deyilik”, – deyə o qeyd edib.Marko Rubionun sözlərinə görə, ABŞ Ukraynaya silah və hərbi texnika tədarükünü davam etdirərək Kiyevə dəstək verir.O əlavə edib ki, Vaşinqton Ukraynadakı münaqişənin hərbi yolla həllinin mümkün olmadığı qənaətindədir və problemin yalnız diplomatik vasitələrlə aradan qaldırıla biləcəyini hesab edir.
