Aysel Əlibəyli
30 İyul 2026 · 11:23
1052 baxış
Bakı metrosunda gecə saatlarında qatarların hərəkətində qısamüddətli fasilə müşahidə olunub.
Elpress.az xəbər verir ki, hadisə metronu enerji ilə təmin edən elektrik xəttində baş vermiş nasazlıq səbəbindən qeydə alınıb.
Nəticədə Yaşıl xəttin “Memar Əcəmi–Dərnəgül” istiqamətində qatarların hərəkəti müvəqqəti olaraq dayandırılıb.Məlumata görə, yaranmış problemə operativ müdaxilə edilib və alternativ enerji mənbələrindən istifadə olunaraq qatarların hərəkəti qısa müddət ərzində bərpa edilib.
Hazırda Bakı Metropoliteninin bütün xətləri normal iş rejimində fəaliyyət göstərir. Hadisə nəticəsində xəsarət alan olmayıb və sərnişinlərin təhlükəsizliyi təmin edilib.
