ABŞ ilə İran arasında aparılan diplomatik prosesdə müəyyən irəliləyiş əldə olunub.
“CBS News”un məlumatına görə, bunu ABŞ Dövlət Katibi Mark Rubio İranla bağlı danışıqları dəyərləndirərkən bildirib.O qeyd edib ki, İranla müharibənin qarşısını almağa hesablanmış mümkün razılaşma üzrə dolayı danışıqlarda “müəyyən irəliləyiş” müşahidə olunur və bunu müsbət addım kimi qiymətləndirib.Bununla yanaşı, Mark Rubio İranın uranın zənginləşdirilməsi məsələsi ilə bağlı fikir ayrılıqlarının hələ də qaldığını vurğulayıb. O, həmçinin Tehranın Hörmüz boğazında ödəniş sistemi yaratmaq təşəbbüsünü qəbuledilməz hesab etdiklərini deyib.ABŞ Dövlət Katibi əlavə edib ki, İran boğazın yenidən açılmasına razılıq verməsə, ABŞ və tərəfdaş ölkələrin alternativ “B planı” hazır olmalıdır.“Mənim hazırda sizin üçün yeni xəbərim yoxdur. Ola bilər ki, bu gün bir qədər sonra nəsə olsun. Bəlkə də heç nə olmayacaq. Ümid edirəm ki, olacaq, amma hələlik buna əmin deyiləm”, – deyə Mark Rubio İranla aparılan danışıqlara münasibət bildirərkən söyləyib.
