Azərbaycan və Fransa arasında ikitərəfli əməkdaşlığın inkişaf perspektivləri, regional proseslər və qarşılıqlı maraq doğuran mühüm məsələlər ətrafında geniş fikir mübadiləsi aparılıb
Azərbaycan və Fransa arasında siyasi dialoqun və qarşılıqlı əməkdaşlığın aktual istiqamətləri müzakirə olunub.Bu barədə Azərbaycan Respublikası Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev Azərbaycanda səfərdə olan Fransa Prezidentinin kontinental Avropa üzrə diplomatik müşaviri Bertrand Buşvalter ilə keçirdiyi görüş barədə “X” hesabında məlumat verib.Hikmət Hacıyev bildirib ki, fransalı həmkarı Bertrand Buşvalterlə Bakıya səfəri çərçivəsində məhsuldar və konstruktiv görüş keçirilib. Görüş zamanı ötən ay Azərbaycan Prezidenti İlham Əliyev ilə Fransa Prezidenti Emmanuel Makron arasında baş tutmuş telefon danışığının ruhuna uyğun olaraq, iki ölkə arasında mövcud münasibətlərin hazırkı vəziyyəti, əməkdaşlığın inkişaf imkanları və gələcək perspektivləri ətraflı şəkildə nəzərdən keçirilib.Tərəflər, həmçinin regionda baş verən proseslər, qarşılıqlı maraq doğuran məsələlər və Azərbaycan–Fransa əlaqələrinin daha da inkişaf etdirilməsi istiqamətində fikir mübadiləsi aparıblar.
