Bakıda iki ölkənin müdafiə qurumları arasında 12-ci İşçi Qrupu Səviyyəli Görüş baş tutub
Elpress.az xəbər verir ki, Bakıda Azərbaycan Müdafiə Nazirliyi ilə Pakistan Müdafiə Qüvvələri Qərargahı arasında əməkdaşlığın əsas istiqamətlərinin müzakirə olunduğu görüş keçirilib.Müdafiə Nazirliyinin Beynəlxalq Hərbi Əməkdaşlıq İdarəsində təşkil olunan 12-ci İşçi Qrupu Səviyyəli Görüşdə iki ölkənin müdafiə qurumları arasında mövcud əlaqələrin vəziyyəti və gələcək inkişaf perspektivləri nəzərdən keçirilib.Tərəflər qarşılıqlı maraq doğuran digər məsələlər ətrafında fikir mübadiləsi aparıb, hərbi əməkdaşlığın daha da genişləndirilməsi imkanlarını müzakirə ediblər.Görüşün yekununda müvafiq protokol imzalanıb. Daha sonra nümayəndə heyətlərinə qarşılıqlı hədiyyələr təqdim olunub və tədbir iştirakçıların xatirə fotosunun çəkdirilməsi ilə başa çatıb.
