Aysel Əlibəyli
03 İyul 2026 · 12:03
20 baxış
Elpress.az xəbər verir ki, Rusiyadan Ermənistana Azərbaycan ərazisi vasitəsilə növbəti tranzit yük daşınması həyata keçirilib.
Məlumata görə, ümumi çəkisi 976 ton olan 14 vaqon buğda Biləcəri dəmiryol stansiyasından Böyük Kəsik istiqamətində yola salınıb.
Bildirilib ki, Azərbaycan üzərindən həyata keçirilən tranzit daşımaları çərçivəsində indiyədək Rusiyadan Ermənistana 35 min tondan artıq taxıl, 8 min tona yaxın gübrə, 133 ton alüminium, 68 ton qarabaşaq və 414 ton antrasit çatdırılıb.
Bununla yanaşı, Azərbaycandan Ermənistana 14 min tondan çox dizel yanacağı, eləcə də 5 min tona yaxın Aİ-92 və Aİ-95 markalı benzin ixrac edilib.
