Xankəndidə Zəfər Tağının yerləşdiyi ərazidə əvvəllər yöndəmsiz və qəzalı tikililər mövcud idi. Həmin tikililər qısa müddətdə sökülərək ərazidə möhtəşəm Zəfər Tağının layihələndirilməsi və inşası həyata keçirildi.
Elpress.az-ın apa.az-a istinadən verdiyi məlumata görə, Xankəndi şəhərində, Ağdərə və Xocalı rayonlarında Prezidentin xüsusi nümayəndəsi Elçin Yusubov WUF13 çərçivəsində keçirilən tədbirdə bildirib ki, hazırda Xankəndinin yeni Baş Planı hazırlanır və sənəd təsdiqləndikdən sonra şəhərdə daha genişmiqyaslı tikinti işləri həyata keçiriləcək.Onun sözlərinə görə, əvvəlki Baş Planda şəhərin əhali sayı 62 min nəzərdə tutulsa da, yeni plana əsasən Xankəndinin 80 min nəfərlik şəhərə çevrilməsi planlaşdırılır. Eyni zamanda şəhərdə yeni parkların salındığı, mövcud yaşıllıq ərazilərinin isə bərpa olunduğu qeyd edilib.
