Elpress.az xəbər verir ki, Türk kinosunun unudulmaz simalarından olan Kadir İnanır təşkil olunan vida mərasimi ilə son mənzilə yola salınıb.
Mərasimdə sənət, siyasət və ictimaiyyət nümayəndələri, eləcə də aktyorun yaxınları iştirak ediblər. İştirakçılar Türk kinosuna uzun illər ərzində dəyərli töhfələr vermiş sənətkarla vidalaşaraq onun xatirəsini ehtiramla anıblar.
Vida mərasimində çıxış edən aktyorun 27 illik həyat yoldaşı Jülide Kural duyğusal anlar yaşayıb. O, Kadir İnanırın yalnız böyük sənətkar deyil, həm də dəyərli insan, sadiq dost və həyat yoldaşı olduğunu bildirib.
Jülide Kural çıxışında uzun illər birlikdə yaşadıqları xatirələrdən danışaraq, məşhur aktyorun yoxluğunun onun üçün böyük itki olduğunu vurğulayıb.
Qeyd edək ki, Kadir İnanır Türk kinosunun ən tanınmış və sevilən aktyorlarından biri kimi yüzlərlə ekran əsərində yaddaqalan obrazlar yaradıb və uzun illər Türkiyə mədəniyyətinin simvol isimlərindən biri hesab olunub.
