Mədəniyyət naziri Adil Kərimli Azərbaycanın Xalq artisti Flora Kərimovanı 85 illik yubileyi münasibətilə evində ziyarət edib.
Elpress.az xəbər verir ki, bu barədə Mədəniyyət Nazirliyi məlumat yayıb.Bildirilib ki, nazir yubilyarı təbrik edərək ona möhkəm can sağlığı, uzun ömür və yeni yaradıcılıq uğurları arzulayıb.
Görüş zamanı ölkədə mədəniyyət və incəsənət sahəsinə göstərilən dövlət qayğısından bəhs olunub, Xalq artisti Flora Kərimovanın Azərbaycan musiqi mədəniyyətinə verdiyi töhfələr yüksək qiymətləndirilib.Flora Kərimova isə göstərilən diqqətə görə təşəkkürünü bildirib, xüsusilə Birinci vitse-prezident, Heydər Əliyev Fondunun prezidenti Mehriban Əliyevanın müalicəsinə göstərdiyi dəstəyi minnətdarlıqla qeyd edib.
Görüş səmimi söhbət şəraitində baş tutub və yubiley münasibətilə xatirə şəkli çəkdirilib.
