Alim: Audiovizual layihələr gənclərin mütaliəyə marağını artıra bilər
Elpress.az xəbər verir ki, Rəqəmsal texnologiyaların sürətlə inkişaf etdiyi bir dövrdə Azərbaycan ədəbiyyatının gənclərə çatdırılması üçün yeni üsullardan istifadə olunması təklif edilir.Filologiya üzrə fəlsəfə doktoru Dilarə Əliyevanın sözlərinə görə, müasir gənclərin mütaliə vərdişləri dəyişdiyindən elektron və audiokitablar, podkastlar, sosial media və digər rəqəmsal platformalar ədəbiyyatın təbliğində daha fəal şəkildə istifadə edilməlidir.Alim Azərbaycan ədəbiyyatının vahid rəqəmsal kitabxanasının yaradılmasının vacibliyini də qeyd edib. Onun fikrincə, klassik və müasir əsərlərin elektron formatda təqdim olunması ilə yanaşı, mətnlərə izah, annotasiya, lüğət və elmi şərhlərin əlavə edilməsi xüsusilə gənc oxucular üçün faydalı ola bilər.D.Əliyeva yazıçılar və ədəbiyyatşünasların iştirakı ilə audiovizual layihələrin hazırlanmasını, həmçinin sosial şəbəkələrdə yaradıcı ədəbi məzmunların artırılmasını mütaliə mədəniyyətinin inkişafına təsir göstərə biləcək vasitələr kimi dəyərləndirib.O, süni intellektin də oxuculara əsər və müəllif seçimi, mətnlərin izahı və müxtəlif ədəbi tövsiyələr təqdim etmək baxımından imkanlar yaratdığını bildirib. Bununla belə, texnologiyanın bədii əsərin yerini tutmamalı, əksinə, oxucunu orijinal mətnə yönəltməli olduğunu vurğulayıb.
