Elpress.az xəbər verir ki, Emin Amrullayev ali təhsilin maliyyələşdirilməsi ilə bağlı səsləndirdiyi fikirlərə aydınlıq gətirib.
Nazir bildirib ki, dünyanın heç bir ölkəsində təhsil tam mənada pulsuz deyil və bir çox inkişaf etmiş ölkələrdə ali təhsilin xərcləri dövlət tərəfindən qarşılanır. Onun sözlərinə görə, təhsilin keyfiyyətinin yüksəldilməsi üçün kifayət qədər maliyyə vəsaiti və investisiya tələb olunur.
Emin Amrullayev Bakıda fəaliyyət göstərən ali təhsil müəssisələrinin başqa ərazilərə köçürülməsinin gündəmdə olmadığını bildirib.Nazirin sözlərinə görə, əsas məqsəd paytaxt universitetlərində təhsil alan tələbələrin sayının tədricən optimallaşdırılması və ali təhsil sistemində daha balanslı bölgünün formalaşdırılmasıdır.
O qeyd edib ki, bölgə universitetlərinin inkişafı, təhsil infrastrukturunun gücləndirilməsi və regionlarda təhsil imkanlarının genişləndirilməsi bu istiqamətdə prioritet məsələlərdən biridir, vurğulayıb ki, ali təhsil sistemində həyata keçiriləcək dəyişikliklər təhsilin keyfiyyətinin artırılmasına və mövcud resurslardan daha səmərəli istifadəyə xidmət edəcək.
