Hacıqabul rayonunda “Mercedes” markalı avtomobil körpüdən aşaraq yeraltı keçidə düşüb, iki nəfər xəsarət alıb.
Elpress.az xəbər verir ki, Hacıqabul rayonunda yol-nəqliyyat hadisəsi baş verib. Hadisə Bakı–Qazax magistralının rayonun Nəvahi qəsəbəsi ərazisindən keçən hissəsində qeydə alınıb.
İlkin məlumata görə, Gəncə sakini, 1951-ci il təvəllüdlü Dəmir İsmayılovun idarə etdiyi “Mercedes” markalı avtomobil idarəetmədən çıxaraq yoldan kənara aşıb. Nəqliyyat vasitəsi yeraltı keçidin dəmir səddini qıraraq keçidə düşüb.Qəza nəticəsində sürücü və avtomobildə olan sərnişin, 1970-ci il təvəllüdlü Yeganə Bayramova müxtəlif dərəcəli xəsarətlər alıblar. Yaralılar əvvəlcə Hacıqabul Rayon Mərkəzi Xəstəxanasına, daha sonra isə Şirvan şəhər xəstəxanasına çatdırılıblar.
Faktla bağlı araşdırma aparılır.
