Aysel Əlibəyli
04 Avqust 2026 · 12:28
1018 baxış
İqtisadiyyat naziri Mikayıl Cabbarov V “Yüksəliş” müsabiqəsinin qalibləri Elnur Məmmədli və Kamran Ələsgərovla mentorluq proqramı çərçivəsində növbəti görüş keçirib.
Elpress.az xəbər verir ki, görüş zamanı idarəçilikdə institusional yanaşmalar, strateji qərarların qəbulu prosesində prioritetlər, eləcə də iqtisadi transformasiya şəraitində zəruri bilik və bacarıqlar ətrafında fikir mübadiləsi aparılıb.Bununla yanaşı, iştirakçıların fərdi inkişaf planı çərçivəsində əldə etdikləri təcrübələr dəyərləndirilib və gələcək fəaliyyət istiqamətləri müzakirə olunub.
Qeyd edək ki, “Yüksəliş” müsabiqəsi ölkədə peşəkar idarəçi potensialının inkişafına dəstək göstərmək və perspektivli kadrların hazırlanmasını təşviq etmək məqsədi daşıyır.
