Xırdalan–Biləcəri yolunda təmir işləri səbəbindən qatarların hərəkətində müvəqqəti dəyişiklik olacaq
Elpress.az xəbər verir ki, Xırdalan–Biləcəri dəmir yolu sahəsində aparılan təmir işləri ilə əlaqədar şəhərətrafı qatarların hərəkət cədvəlində müvəqqəti dəyişiklik ediləcək.Avqustun 25-dən Bakı–Xırdalan–Bakı və Bakı–Pirşağı–Sumqayıt–Bakı istiqamətlərində hərəkət edən qatarlar yenilənmiş qrafik əsasında fəaliyyət göstərəcək.Yeni cədvələ əsasən, şəhərətrafı qatarların gündəlik reyslərinin sayı 84-dən 90-a çatdırılacaq. Yenilənmiş hərəkət qrafiki avqustun 25-dən etibarən ADY-nin rəsmi internet səhifəsində və mobil tətbiqində istifadəyə veriləcək.Sərnişinlərə səfərlərini planlaşdırmazdan əvvəl yeni hərəkət cədvəli ilə tanış olmaları tövsiyə olunur.Bildirilib ki, tətbiq edilən dəyişiklik müvəqqəti xarakter daşıyır. Təmir işləri başa çatdıqdan sonra Xırdalan–Sumqayıt xətti üzrə sərnişindaşımanın əvvəlki qaydada bərpası nəzərdə tutulur.
