Kredit götürənlər gözlənilməz maliyyə risklərindən qorunmağa daha çox önəm verirlər
Elpress.az xəbər verir ki, Son dövrlərdə kredit həyat sığortasına marağın artdığı müşahidə olunur. Bu tendensiyanın əsas səbəblərindən biri insanların kredit öhdəlikləri ilə bağlı mümkün risklərə daha çox diqqət yetirməsidir.Kredit həyat sığortası müəyyən sığorta hadisələri baş verdikdə kredit üzrə qalan borcun müqavilə şərtlərinə uyğun olaraq sığorta şirkəti tərəfindən qarşılanmasını nəzərdə tutur. Bu mexanizm borcalanın ailəsinin əlavə maliyyə yükü ilə üzləşməsinin qarşısını almağa kömək edə bilər.Xüsusilə uzunmüddətli və yüksək məbləğli kreditlər zamanı belə sığortanın əhəmiyyəti daha çox nəzərə çarpır. Kredit seçimi zamanı müştərilərin yalnız faiz dərəcəsi və aylıq ödənişə deyil, mümkün maliyyə risklərinə də diqqət yetirdiyi bildirilir.Sığorta məhsulları barədə məlumatlılığın artması da kredit həyat sığortasına marağın yüksəlməsinə təsir edən amillərdən biri kimi göstərilir.
