ABŞ Prezidenti Tehranla razılaşmanın mümkün olduğunu bildirib
Elpress.az xəbər verir ki, ABŞ Prezidenti Donald Tramp İranın ağır iqtisadi vəziyyətlə üzləşdiyini və Vaşinqtonla Tehran arasında gələcəkdə razılaşmanın əldə edilə biləcəyini açıqlayıb.Tramp “Axios”a müsahibəsində ABŞ-ın İranla bağlı növbəti addımları barədə səssiz şəkildə fəaliyyət göstərdiyini bildirib. Onun sözlərinə görə, tərəflər arasında müəyyən səviyyədə danışıqlar aparılır.ABŞ Prezidenti İranın yüksək inflyasiya və maliyyə çatışmazlığı ilə üzləşdiyini iddia edib. O, ölkənin iqtisadi vəziyyətinin pisləşməsində ABŞ-ın İrana tətbiq etdiyi dəniz blokadasının da rol oynadığını bildirib.Tramp həyata keçirilən tədbirlərin nəticə verəcəyinə və nəticədə İranla razılaşmanın mümkün olacağına inandığını vurğulayıb.
