BMT: Gündəlik keçidlərin sayı 85-dən 5-ə düşüb
Elpress.az xəbər verir ki, Hörmüz boğazından gündəlik gəmi keçidlərinin sayı son aylarda kəskin şəkildə azalıb.BMT-nin İqtisadi və Sosial Məsələlər Departamentinin hesabatına əsasən, 2025-ci ildə boğazdan sutkada orta hesabla 85 gəmi keçib. 2026-cı ilin aprel və may aylarında isə bu göstərici birrəqəmli səviyyəyə enib.İyunun sonu və iyulun əvvəlində keçidlərin sayı qısa müddətə gündə təxminən 25-ə yüksəlsə də, iyulun ortalarında yenidən 10-a, sentyabrın əvvəlində isə 5-ə düşüb.Hesabatda qeyd olunur ki, Hörmüz boğazında hərəkətin məhdudlaşması qlobal enerji bazarına ciddi təsir göstərib. Beynəlxalq Enerji Agentliyinin məlumatına görə, 2026-cı ilin mart-iyul aylarında Yaxın Şərqdən enerji təchizatında orta hesabla gündə 10,7 milyon barel azalma qeydə alınıb. Münaqişənin başlanmasından iyulun sonunadək qlobal neft ehtiyatları 410 milyon barel azalıb.Xam neft təchizatındakı çatışmazlıq qlobal neft emalına da təsir edib. İyul ayında neft emalının həcmi ötən ilin eyni ayı ilə müqayisədə sutkada təxminən 5 milyon barel aşağı olub. BMT yanacaq məhsullarının, xüsusilə dizelin qiymətlərinin yüksək olaraq qaldığını və ilin sonunadək bu tendensiyanın davam edə biləcəyini bildirir.
