Nazirlər Kabineti bərpa olunan enerji sahəsində yeni layihənin icrası ilə bağlı qərar qəbul edib.
Elpress.az FED.az-a istinadən xəbər verir ki, Baş nazir Əli Əsədovun imzaladığı qərara əsasən, Hacıqabul rayonunda günəş elektrik stansiyasının tikintisi üçün dövlət mülkiyyətində olan torpaq sahəsi ayrılıb.Sənədə görə, qoyuluş gücü 160 meqavat olan günəş elektrik stansiyasının inşası məqsədilə rayonun inzibati ərazisində yerləşən 321 hektar kənd təsərrüfatı təyinatlı torpaq sahəsi bərpa olunan enerji mənbələrinin ərazisi kimi müəyyənləşdirilib.Qərarın ölkədə yaşıl enerji istehsalının artırılması, alternativ enerji mənbələrinin inkişafı və enerji təhlükəsizliyinin gücləndirilməsi istiqamətində atılan addımların davamı olduğu bildirilir.Qeyd edək ki, Azərbaycan son illərdə bərpa olunan enerji layihələrinin həyata keçirilməsinə xüsusi önəm verir və bu sahədə bir sıra iri investisiya layihələri icra olunur.
