İsrailin müdafiə naziri Israel Katz “X” sosial şəbəkəsində açıqlama verərək ölkəsinin Suriya, Livan və Qəzza zolağından geri çəkilməyəcəyini bildirib.
Nazir qeyd edib ki, İsrail ABŞ ilə birlikdə İrana qarşı “sarsıdıcı zərbələr” endirib və Tehranın hərbi potensialını illərlə geriyə salıb. Elpress.az APA-ya istinadən xəbər verir ki, Israel Katz vurğulayıb ki, İsrail gələcəkdə İrana qarşı müstəqil hərəkət etmək imkanını qoruyub saxlamalıdır və bu istiqamətdə orduya hazır vəziyyətdə olmaq üçün tapşırıqlar verilib.O, həmçinin ölkəsinin təhlükəsizlik strategiyasının davam etdiriləcəyini bildirərək İranın dəstəklədiyi “şiə oxu” və “Müsəlman Qardaşlığı” ilə bağlı qüvvələrə qarşı mübarizənin gücləndiriləcəyini qeyd edib.Qeyd edək ki, bəyanat Yaxın Şərqdə artan gərginlik fonunda verilib.
