Azərbaycan, Türkiyə, Gürcüstan və Bolqarıstan arasında enerji əməkdaşlığında yeni mərhələ
Elpress.az xəbər verir ki, Azərbaycan, Türkiyə, Gürcüstan və Bolqarıstanı əhatə edən Yaşıl Elektrik Ötürülməsi və Ticarəti Layihəsinin növbəti mərhələyə keçirilməsi planlaşdırılır.Türkiyənin energetika və təbii sərvətlər naziri Alparslan Bayraktar Azərbaycan-Türkiyə 5-ci Enerji Forumunda çıxışı zamanı layihənin uzunmüddətli regional enerji əməkdaşlığı baxımından strateji əhəmiyyət daşıdığını bildirib.Nazirin sözlərinə görə, layihə yalnız elektrik enerjisinin ötürülməsini nəzərdə tutan təşəbbüs deyil, həm də tərəflər arasında qarşılıqlı faydaya əsaslanan uzunmüddətli enerji əməkdaşlığının inkişafına xidmət edəcək.Bayraktar tərəflərin layihəni mümkün qədər qısa müddətdə növbəti mərhələyə keçirmək niyyətində olduğunu qeyd edib.
O bildirib ki, COP31 çərçivəsində layihə ilə bağlı mühüm sənədin, o cümlədən hökumətlərarası sazişin imzalanması nəzərdən keçirilir.
