Baba Rzayev: 74 kilometrlik 330 kV-luq xətt üzrə işlər son mərhələdədir
Elpress.az xəbər verir ki, Cəbrayıl-Ağbənd istiqamətində 74 kilometr uzunluğunda 330 kV-luq iki dövrəli elektrik verilişi xəttinin tikintisi başa çatmaq üzrədir.“AzərEnerji” ASC-nin prezidenti Baba Rzayev Azərbaycan-Türkiyə 5-ci Enerji Forumunda çıxışı zamanı bildirib ki, layihə üzrə işlər artıq yekun mərhələyə daxil olub.Onun sözlərinə görə, Azərbaycan-Ermənistan sərhədindən Naxçıvan istiqamətində elektrik verilişi xəttinin layihələndirilməsi üzrə işlər də tamamlanıb.Baba Rzayev qeyd edib ki, Naxçıvanda Azərbaycanla Türkiyə arasında birbaşa elektrik əlaqəsinin yaradılmasında əsas elementlərdən biri olacaq çevirici yarımstansiyanın tikintisi üçün ərazi “AzərEnerji”yə ayrılıb.
