Dmitro Şlapaçenko: Azərbaycan regional və qlobal dəyər zəncirlərində mövqeyini gücləndirə bilər
Elpress.az xəbər verir ki, Azərbaycanın strateji coğrafi mövqeyi və inkişaf edən nəqliyyat infrastrukturu ölkənin regional istehsal və logistika mərkəzinə çevrilməsi üçün geniş imkanlar yaradır.Bunu BMT-nin Azərbaycandakı rezident əlaqələndiricisi Dmitro Şlapaçenko bildirib.Onun sözlərinə görə, qlobal iqtisadi proseslər Azərbaycanın gələcək inkişafına da təsir göstərir. Bu baxımdan ölkənin neft və qaz sektorundan kənarda iqtisadiyyatını şaxələndirməsi və mövcud nəqliyyat imkanlarından daha səmərəli istifadə etməsi mühüm əhəmiyyət daşıyır.Şlapaçenko qeyd edib ki, Azərbaycanın strateji mövqeyi, nəqliyyat bağlantıları, innovasiya imkanları, özəl sektorun inkişafı və ixrac potensialı ölkənin regional və qlobal dəyər zəncirlərində daha fəal iştirakına şərait yarada bilər.O, Bakı limanı və dəmir yolu infrastrukturunun Azərbaycanın logistika və istehsal imkanlarını genişləndirən əsas amillər sırasında olduğunu vurğulayıb.BMT rəsmisi həmçinin insan kapitalına və innovasiyalara yatırımların artırılmasının vacibliyini qeyd edib. Onun sözlərinə görə, süni intellekt, avtomatlaşdırma və rəqəmsal texnologiyaların istehsalda tətbiqinin genişlənməsi əmək bazarında yeni bacarıqlara malik mütəxəssislərə tələbatı artırır.Şlapaçenko Azərbaycanın beynəlxalq standartlara və tənzimləyici normalara uyğunlaşmasının da ixrac imkanlarının genişləndirilməsi və qlobal dəyər zəncirlərinə inteqrasiyası baxımından əhəmiyyətli olduğunu bildirib.Onun fikrincə, strateji coğrafi mövqe, müasir infrastruktur, inkişaf edən sənaye imkanları və iqtisadi şaxələndirmə istiqamətində aparılan işlər Azərbaycanın regional istehsal və logistika habına çevrilməsi üçün əsas imkanlar yaradır.
