Ceyhun Bayramov alternativ enerjinin Avropaya çatdırılması layihələrini açıqlayıb
Elpress.az xəbər verir ki, Azərbaycan və Türkiyə arasında qarşıdakı onilliklərə hesablanan yeni layihələr üzrə iş aparılır.Bunu Azərbaycanın xarici işlər naziri Ceyhun Bayramov Bakıda Türkiyənin xarici işlər naziri Hakan Fidanla birgə keçirilən mətbuat konfransında bildirib.Nazirin sözlərinə görə, əməkdaşlığın əsas istiqamətlərindən biri alternativ enerji sahəsidir. Azərbaycanda istehsal olunan yaşıl enerjinin Qara dəniz üzərindən Avropa bazarlarına çatdırılması ilə bağlı layihə üzərində iş davam edir.Ceyhun Bayramov həmçinin Naxçıvanı Türkiyə ilə birləşdirəcək enerji kabelinin çəkilməsi layihəsini qeyd edib. Bildirib ki, bu təşəbbüslər Azərbaycanın alternativ enerjisinin Türkiyə üzərindən Avropa bazarlarına tranzitlə çatdırılmasına imkan verəcək.
