Azərbaycanda 2026-cı ilin ilk yarısının yekunlarına əsasən öhdəliklərinin həcminə görə ən böyük banklar müəyyənləşib.
Elpress.az xəbər verir ki, bankların rüblük maliyyə hesabatları əsasında hazırlanan reytinqə görə, siyahıya Azərbaycan Beynəlxalq Bankı (ABB) başçılıq edir.
Öhdəliklərinin həcminə görə ilk beşlik belə sıralanıb:
ABB Bank – 13,1 milyard manat
Kapital Bank – 11,9 milyard manat
PAŞA Bank – 8,6 milyard manat
Bank Respublika – 2,4 milyard manat
Xalq Bank – 2,3 milyard manat
Maliyyə göstəricilərinə əsasən, ilk üç bank öhdəliklərinin həcminə görə sektorun liderləri olaraq qalır. Mütəxəssislər bildirirlər ki, bankların öhdəliklərinin yüksək olması onların cəlb etdiyi depozitlərin, kredit resurslarının və ümumi fəaliyyət həcminin böyük olmasından irəli gəlir.
