Uçot dərəcəsi 6,5 faiz, faiz dəhlizinin aşağı həddi isə 5 faiz müəyyən edilib
Elpress.az xəbər verir ki, Azərbaycan Mərkəzi Bankı (AMB) uçot dərəcəsi və faiz dəhlizinin parametrləri ilə bağlı növbəti qərarını açıqlayıb.AMB İdarə Heyətinin qərarına əsasən, uçot dərəcəsi əvvəlki səviyyədə saxlanılaraq 6,5 faiz müəyyən edilib. Faiz dəhlizinin yuxarı həddi 7,5 faiz, aşağı həddi isə 5 faiz səviyyəsində təsdiqlənib.Beləliklə, faiz dəhlizinin aşağı həddi əvvəlki göstərici ilə müqayisədə 0,5 faiz bəndi azaldılıb.Qərarın qəbulunda faktiki və proqnozlaşdırılan inflyasiyanın dinamikası, valyuta bazarında baş verən proseslər, bank sektorunun likvidlik mövqeyindəki dəyişikliklər, həmçinin qlobal monetar şəraitdə müşahidə olunan son tendensiyalar nəzərə alınıb.
