“Barselona”ya 0:5 hesabı ilə məğlubiyyətdən sonra azarkeşlər klub rəhbərliyinə və futbolçulara etiraz ediblər
Elpress.az xəbər verir ki, İspaniyanın “Valensiya” klubunun azarkeşləri komandanın “Barselona”ya ağır məğlubiyyətindən sonra etiraz aksiyası keçiriblər.La Liqanın IV turunda doğma meydanda 0:5 hesabı ilə uduzan “Valensiya”nın tərəfdarları matçın ardından “Mestalla” stadionunun qarşısına toplaşaraq klub rəhbərliyinə və futbolçulara narazılıqlarını bildiriblər. Etiraz aksiyasına təxminən 2 min azarkeşin qatıldığı bildirilib.
Tərəfdarlar futbolçuları “muzdlular” adlandırıb, klub rəhbərliyinə qarşı isə istefa tələbləri səsləndiriblər. Kiat Lim və klubun sahibi Piter Lim əleyhinə də müxtəlif şüarlar və pankartlar səsləndirilib.Bundan əlavə, azarkeş qruplarından bəziləri etiraz əlaməti olaraq oyunun ilk dəqiqələrində tribunaları boş saxlayıb və daha sonra stadiona daxil olublar.
“Valensiya”nın “Barselona”ya 0:5 hesablı məğlubiyyəti komandanın mövsümə uğursuz startını daha da ağırlaşdırıb.
