Belçikalı FIFA referisi Frank De Bleker AFFA-dakı fəaliyyətini başa vurub
Elpress.az xəbər verir ki, Belçikalı FIFA referisi Frank De Blekerin AFFA-da fəaliyyəti başa çatıb.AFFA-nın məlumatına görə, De Bleker 2024-cü ilin iyulunda Hakimlər Komitəsinin sədri vəzifəsinə təyin olunub. O, 2025-ci ilin noyabrından isə qurumda beynəlxalq hakimlik və hakimlərin təlim-tədrisi üzrə baş katibin müşaviri kimi fəaliyyət göstərib.Belçikalı mütəxəssis Azərbaycanda hakimliyin inkişafı, beynəlxalq əlaqələrin genişləndirilməsi və hakimlərin peşəkar hazırlığının yüksəldilməsi istiqamətində çalışıb. Onun fəaliyyəti dövründə gənc hakimlərin inkişafına xüsusi diqqət göstərilib.AFFA-nın bildirdiyinə görə, 2026-cı ildən Azərbaycanın tarixində ilk dəfə FIFA dərəcəli hakimlərin sayı 4-ə çatıb.Frank De Bleker bundan sonra fəaliyyətini Serbiyada davam etdirəcək. O, Serbiya Futbol Federasiyasında Hakimlər Komissiyasının sədri vəzifəsinə təyin olunub.
