Aysel Əlibəyli
17 İyul 2026 · 00:31
4 baxış
Şamaxı rayonunda ailə münaqişəsi zəminində fərdi yaşayış evinin qəsdən yandırıldığı ehtimal edilir.
Elpress.az xəbər verir ki, hadisə rayonun Məlikçobanlı kəndində qeydə alınıb.
Məlumata görə, yanğın baş verən əraziyə dərhal Şamaxı Rayon Yanğından Mühafizə Hissəsinin əməkdaşları cəlb olunub. Yanğın nəticəsində kənd sakini Ağayar Ağayevə məxsus ümumi sahəsi 35 kvadratmetr olan birmərtəbəli fərdi yaşayış evinin yanar konstruksiyaları tamamilə yanıb.
Hadisə zamanı xəsarət alan olmayıb.İlkin məlumata əsasən, 1983-cü il təvəllüdlü Ağayar Ağayevin ailə münaqişəsi zəminində evi qəsdən yandırdığı ehtimal olunur.
Faktla bağlı araşdırma aparılır.
