Aysel Əlibəyli
16 İyul 2026 · 13:44
1108 baxış
Ucarda baş verən yanğın nəticəsində dördotaqlı yaşayış evi tamamilə yanıb
Elpress.az xəbər verir ki, Ucar rayonunda fərdi yaşayış evində baş verən yanğın ciddi maddi ziyana səbəb olub. Hadisə rayonun Qaradağlı kəndində qeydə alınıb.Məlumata görə, gecə saatlarında kənd sakini Namiq İbrahim oğlu Süleymanova məxsus ümumi sahəsi 160 kvadratmetr olan dördotaqlı yaşayış evində yanğın başlayıb. Hadisə yerinə cəlb olunan yanğınsöndürənlər operativ müdaxilə edərək alovun genişlənməsinin və yaxınlıqdakı yaşayış evlərinə keçməsinin qarşısını alıblar.Görülən tədbirlər nəticəsində yanğın tam söndürülüb. Hadisə zamanı ölən və ya xəsarət alan olmasa da, yaşayış evi tamamilə yanaraq yararsız vəziyyətə düşüb. Yanğının başvermə səbəbi araşdırılır.
