Aysel Əlibəyli
01 Avqust 2026 · 13:53
1050 baxış
Xırdalanda müştərinin pul və sənədləri olan çantasını oğurlayan şəxs tutulub
Elpress.az xəbər verir ki, Abşeron rayonunun Xırdalan şəhərində yerləşən marketlərdən birində oğurluq hadisəsi baş verib.Hadisə zamanı naməlum şəxs alış-veriş edən müştərinin içərisində nağd pul, bank kartı və şəxsi sənədlər olan çantasını götürərək ərazidən uzaqlaşıb.Polis əməkdaşlarının keçirdiyi əməliyyat nəticəsində cinayəti törətməkdə şübhəli bilinən 61 yaşlı N.Qulamov saxlanılıb. Araşdırma zamanı onun daha əvvəl narkotiklə əlaqəli cinayətə görə məhkum olunduğu müəyyənləşib.Bundan əlavə, saxlanılan şəxsin üzərindən psixotrop maddə hesab edilən metamfetamin aşkarlanıb.
Faktla bağlı araşdırma davam etdirilir.
