Paytaxtda Heydər Əliyev prospektinin mərkəz istiqamətində günorta saatlarında yol-nəqliyyat hadisəsi baş verib. Yerüstü piyada keçidinə yaxın ərazidə yolu keçmək istəyən şəxs minik avtomobili tərəfindən vurulub.
Nəqliyyatı İntellektual İdarəetmə Mərkəzinin yaydığı məlumata görə, xəsarət alan piyada dərhal avtomobilə yerləşdirilərək yol polisi əməkdaşı tərəfindən idarə olunan nəqliyyat vasitəsi ilə xəstəxanaya aparılıb. Sürücü və digər polis əməkdaşları yaranan sıxlığı nəzərə alaraq operativ şəkildə hərəkət edib və yaralı şəxs Yeni Klinikaya çatdırılıb.
Qurum piyadalara müraciət edərək bildirib ki, təhlükəsizlik üçün yalnız keçidlərdən istifadə edilməli, yol hərəkəti zamanı diqqətli olunmalı və nəqliyyat vasitələrinin tam dayanmasına əmin olduqdan sonra hərəkətə başlanmalıdır.
