Elnur Rzayev Xaçmaz rayonunun Xanoba kəndində hüquq-mühafizə orqanları və müxtəlif qurum rəhbərlərinin iştirakı ilə səyyar qəbul təşkil edib. Görüşdə Yalama inzibati ərazi dairəsinə daxil olan bir neçə kəndin sakinləri iştirak ediblər.
Qəbuldan öncə rayon rəhbərliyi şəhid Seymur Ramazanovun xatirəsini yad edərək abidəsi önünə gül dəstələri qoyub.
Sakinlər əvvəlki görüşlərdə qaldırılan problemlərin həlli istiqamətində görülən işləri yüksək qiymətləndirərək təşəkkürlərini bildiriblər. Bununla yanaşı, qazlaşdırma, yol təmiri, elektrik şəbəkəsinin yenilənməsi, rabitə və internet xidmətlərinin yaxşılaşdırılması, həmçinin uşaq bağçalarında əlavə qrupların açılması ilə bağlı yeni müraciətlər səsləndiriblər.
Elnur Rzayev vətəndaşların müraciətlərini diqqətlə dinləyib, qaldırılan məsələlərin həlli üçün aidiyyəti qurumlara tapşırıqlar verib və bəzi problemlər yerindəcə aradan qaldırılıb.
Sonda sakinlər göstərilən diqqətə görə İlham Əliyevə və Mehriban Əliyevaya minnətdarlıqlarını ifadə ediblər.
