İşğaldan azad edilmiş Ağdərə rayonunda növbəti mina hadisəsi qeydə alınıb.
Elpress.az xəbər verir ki, bu barədə Azərbaycan Respublikasının Minatəmizləmə Agentliyi (ANAMA) məlumat yayıb.
Bildirilib ki, hadisə avqustun 3-də Ağdərə rayonunun Çardaqlı kəndi ərazisində humanitar minatəmizləmə işləri aparılarkən baş verib.
Məlumata görə, qeyri-hökumət təşkilatının əməkdaşı, 1994-cü il təvəllüdlü Surxaylı Əlzamin Vəzir oğlu xidməti vəzifəsini yerinə yetirərkən piyada əleyhinə minaya düşüb. Partlayış nəticəsində o, sağ ayaq nahiyəsindən xəsarət alıb.Hadisə zamanı digər əməkdaş, 1998-ci il təvəllüdlü Mirzəyev Füzuli Rizvan oğlu da yüngül bədən xəsarətləri alıb.Xəsarət alan şəxslər dərhal rayon mərkəzi xəstəxanasına təxliyə olunublar.
Hazırda onların vəziyyətinin qənaətbəxş olduğu bildirilir.
