Aysel Əlibəyli
16 İyul 2026 · 00:35
1040 baxış
FHN Mərdəkanda dənizdə batdığı ehtimal olunan 22 yaşlı gəncin axtarışlarına başlayıb
Elpress.az xəbər verir ki , Bakının Xəzər rayonu, Mərdəkan qəsəbəsində dənizdə bir nəfərin batması ilə bağlı Fövqəladə Hallar Nazirliyinə məlumat daxil olub. Hadisənin nəzarətsiz çimərlik ərazisində, ən yaxın xilasetmə məntəqəsindən təxminən 2 kilometr aralıda baş verdiyi bildirilib.Məlumat daxil olan kimi FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri hadisə yerinə cəlb olunaraq axtarış-xilasetmə əməliyyatlarına başlayıblar.Hazırda 2004-cü il təvəllüdlü Qarayev Elgün Elçin oğlunun batdığı ehtimal edilən ərazidə intensiv axtarış işləri davam etdirilir. Hadisə ilə bağlı əlavə məlumatın veriləcəyi bildirilib
