AAYDA Bakının beş küçəsində aparılacaq təmir işləri ilə əlaqədar hərəkət məhdudiyyəti tətbiq ediləcəyini açıqlayıb
Elpress.az xəbər verir ki , Bakıda yol infrastrukturunun yenilənməsi istiqamətində növbəti təmir işlərinə start verilir. Azərbaycan Avtomobil Yolları Dövlət Agentliyinin (AAYDA) məlumatına görə, işlər paytaxtın müxtəlif rayonlarını əhatə edən beş küçədə həyata keçiriləcək.Bildirilib ki, iyulun 16-dan Nəsimi rayonunda Ağadadaş Qurbanov, Yasamal rayonunda Şeyx Məhəmməd Xiyabani, eləcə də Nizami rayonunda Əliağa Kürçaylı küçələrində təmir işlərinə başlanılacaq.İyulun 17-dən isə Nizami rayonunda Cəlil Naxçıvanski küçəsində (8-ci km bazarının sağ və sol hissəsi) və Yasamal rayonunda Ayna Sultanova küçəsində yol təmiri aparılacaq.AAYDA bildirib ki, təmir müddətində göstərilən küçələrdə işlərin gedişindən asılı olaraq nəqliyyat vasitələrinin hərəkəti qismən və ya tam məhdudlaşdırılacaq. Agentlik sürücülərə marşrutlarını əvvəlcədən planlaşdırmağı və imkan daxilində alternativ yollardan istifadə etməyi tövsiyə edib.
