Elşən
16 May 2026 · 08:16
1090 baxış
Azərişıq ASC Biləsuvar rayonunda planlı təmir işləri ilə əlaqədar bəzi ərazilərdə elektrik enerjisinin müvəqqəti dayandırılacağını açıqlayıb.
Elpress.az-ın məlumatına görə, mayın 16-da Biləsuvar Elektrik Şəbəkəsinə aid 110/35/10 kV-luq “Biləsuvar” yarımstansiyasından qidalanan 6 və 11 saylı 10 kV-luq hava xətlərində yenidənqurma və təmir işləri aparılacaq.
Bu səbəbdən saat 10:00-dan 13:00-dək şəhərin Mübariz İbrahimov, Səməd Vurğun, Mirzə Ələkbər Sabir, Azadlıq və Tofiq İsmayılov küçələrində, həmçinin Bəydili və Aşağı Cürəli kəndlərinin müəyyən hissələrində elektrik enerjisinin verilişində fasilə olacaq.
Qurumdan bildirilib ki, işlər başa çatdıqdan sonra həmin ərazilərin elektrik təchizatı daha stabil və keyfiyyətli olacaq.
