Aysel Əlibəyli
20 İyul 2026 · 16:57
1102 baxış
Serbiyada saxlanılan axtarışda olan şəxs Azərbaycana ekstradisiya edilib
Elpress.az xəbər verir ki, Beynəlxalq axtarışa verilən Azərbaycan vətəndaşı Səbuhi Məmmədov Serbiyadan ölkəmizə ekstradisiya olunub.
Ədliyyə Nazirliyinin məlumatına görə, 2023-cü ildə külli miqdarda dələduzluqda ittiham olunan şəxsin yeri Serbiyada müəyyən edilərək saxlanılıb. Baş Prokurorluğun sorğusu və aparılan danışıqlardan sonra onun Azərbaycana təhvil verilməsi barədə razılıq əldə olunub.Səbuhi Məmmədov Belqraddan Azərbaycana gətirilib və məhkəmənin qərarı əsasında istintaq təcridaxanasına yerləşdirilib.
Faktla bağlı müvafiq prosedurlar davam etdirilir.
